Ве известуваме дека Вашите ваучери за клима уреди можете да ги искористите преку нашите соработници. За повеќе информации јавете се на 070391436

ЈАВЕН ПОВИК за субвенционирање на граѓаните за набавка на високоефикасни инвертер клима уреди за затоплување за 2021 година од Град Скопје

Одлична вест за сите оние коишто планираат да го заменат постоечкиот неефикасен начин на греење со инсталирање на високо ефикасни инвертер клима уреди. Имено од неодамна е објавен јавен повик од страна на Град Скопје за субвенционирање на граѓаните за набавка на високоефикасни инвертер клима уреди за затоплување за 2021 година. Целта е да се стимулираат граѓаните/домаќинствата на Град Скопје за употреба на високоефикасни инвертер клима уреди за затоплување на своите домови од причина што се поекономични, енергетски поефикасни и поприфатливи за околината.

Жителите кои имаат купено високоефикасен инвертер клима уред во 2021 година, Град Скопје ќе им ги надомести трошоците направени при набавка на уредот не повеќе од 62.000,00 денари во нето износ по домаќинство. Персоналниот данок ќе биде на товар на Град Скопје. Јавниот повик ќе трае заклучно 01.11.2021 или до исцрпување на предвидените финансиски средства од Буџетот на Град Скопје.

На Јавниот повик немаат право на учество жителите (домаќинствата) кои имаат станбен објект со приклучок на градско централно греење без оглед на тоа дали го користат, кои имаат техничка можност за приклучување кон системот за централно греење и жителите (домаќинствата) кои имаат станбен објект во фаза на градба и не живеат во истиот

Услови коишто треба да се исполнат се барателот:

–   да има живеалиште на подрачјето на град Скопје (општините: Аеродром, Гази Баба, Кисела Вода, Карпош, Чаир, Шуто Оризари, Центар, Ѓорче Петров, Бутел, Сарај),

– домаќинството да нема искористено субвенции за затоплување (печки на пелети/инвертери) на своето домаќинство од Градот Скопје;

– да е корисник на печка/и на јаглен, дрва, нафта или мазут,

– да ја предаде постојната печка/и на јаглен, дрва, нафта или мазут на Град Скопје или на службите на јавните претпријатија на Град Скопје. Барателите кои ги исполниле условите, дополнително по електронски пат ќе бидат известени од страна на комисијата за местото и времето за предавање на печките.

– набавениот уред да биде купен во 2021-та година се до завршување на Јавниот повик, истиот да биде исплатен во целост и да биде инсталиран на адресата на живеење наведена во личната карта на барателот. Доколку уредот е купен на рати, истиот да биде купен во 2021 година и ратите да бидат исплатени во целост до денот на аплицирање;

– набавениот уред задолжително да ги има најмалку следните карактеристики: да има најмалку COP 3.5, да грее на надворешна температура од -15°C и биде најмалку А+ енергетска класа за потрошувачка на електрична енергија за греење;

– станбениот објект да не е во фаза на градба и во него барателот да живее;

– да нема приклучок на градско централно греење во станбениот објект каде што ќе биде инсталиран уредот, без оглед на тоа дали го користи, и

– да нема техничка можност за приклучок на системот за централно греење.

За сите информации за услови за пријавување и начинот на кој ќе тече постапката посетете ја страната на Град Скопје или кликнете на линкот во продолжение за да ве однесе директно до јавниот повик –

Пред да се одлучите да го набавите вашиот нов клима уред, истражете!!! Обрнете внимание на следното:

Многу е важно да одберете клима уред со капацитет соодветен на потребите за постигнување и одржување на комфорна температура во вашиот дом;
Вообичаениот параметар за избор на клима уред – површината (квадратурата) на просторот што треба да се климатизира е само ориентационен параметар затоа што за добро изолирани простори може да бидат доволни и 30 W/m2 топлинска енергија за ладење/греење, додека за друг простор со слаба изолација може да има потреба и до 150 W/m2. Не избирајте клима уред според квадратурата на просторот!;
Секогаш побарајте совет од стручен и искусен инженерски тим и направете точна пресметка на потребниот капацитет;
Секогаш изберете клима уред со капацитет 20% до 30% поголем потребниот пресметан капацитет;
Изборот на типот на клима уред многу зависи од неговата намена, дали е дополнително грејно тело или основно грејно тело;
Ако клима уредот го користите како основно грејно тело мора да биде дизајниран за континуирана работа на температури под 0°C во текот на целиот ден и опремени со сите конструктивни елементи за таква работа
Вообичаено овие инвертер клима уреди имаат грејач на куќиште, електронски експанзиони вентили и се со деклариран номинален капацитет на -7°C (вообичаено капацитет на овие клима уреди е 20% до 30% поголем од вообичаените инвертер клима уреди со опсег на работа до -15°C

Доколку имате систем за ладење и греење којшто не е соодветно и редовно одржуван, без разлика дали станува збор за вашиот дом, канцеларија или возило, може да биде загаден и потенцијално штетен. Особено кај болните од астма и други респираторни проблеми, нередовно сервисираните клима уреди можат да предизвикаат влошување на веќе постоечките проблеми.

За разлика од системите за греење, процесот на ладење на воздухот создава влага и кондензација, кои мора да се исфрлат надвор. Доколку клима уредот не го обавува овој процес исправно, дали поради нередовно одржување или пак поради дефект, може да постане соодветно место за создавање на бактерии и други штетни микроорганизми. За да се заштитите, најдобар и наједноставен начин е добро и редовно одржување на клима уредот. Со самото тоа се заштитувате себеси, но и векот на траење на вашиот клима уред.

Покрај тоа што клима уредите овозможуваат пријатна клима во текот на летните жешки месеци, тие нудат и останати бенефити на корисниците. Една од најголемите предности е тоа што овозможуваат филтрирање на воздухот од загадувачките честички од воздухот. Истражувањата покажале дека постојаната изложеност на загадените честички придонесуваат до сериозни здравствени проблеми. Поради тоа при избор на нов клима уред предност би било доколку истиот ги содржи потребните филтри за прочистување на воздухот и штетните честици.

Cooper & Hunter ја има развиено CH – 7SKY Technology којшто претставува 7 – степен систем за филтрација: антибактериски филтер, филтер со сребрени јони, танин филтер богат со антиоксиданси, хитин филтер за микроорганизми, антиформаделхид филтер, витамин Ц филтер – го обогатува воздухот со витамин Ц, фотокаталитик филтер – деконтаминација на воздухот. Оваа технологија ја имаат вградено во речиси сите серии на клима уреди, како и во најпродаваните од овој ранг, ARCTIC, ALPHA и VERITAS